پڕۆژەی هاوكاری مرۆیی بۆ توشبووانی تالاسیمیا راگەیەنرا

1 مانگ پێش ئێستا ژمارەی بینین: 77 جار

 

ئەمڕۆ 8ئایار لەجیهاندا بەڕۆژی جیهانی تالاسیمیا ناسراوە، بەوبۆنەیەوە لەشاری سلێمانی پرۆژەی مرۆیی بۆ هاوكاری توشبووانی تالاسیمیا ڕاگەیەنرا.

سەرۆكی كۆمەڵەی تالاسیمیا ڕایگەیاند: پڕۆژەكە لەنێوان كۆمەڵەی تالاسیمیا و هەروەها زنجیرە نەخۆشخانەكانی های كوالێتییەوە ئەنجام دەدرێت و نەشتەرگەری بێ بەرامبەر بۆ زیاتر لە 50توشبووی تالاسیمیا دەكرێت و هەورەها داشكاندنی تایبەت بۆكەسی یەكەمی توشبوان دەكرێت.

كۆچەر كەریم سەرۆكی كۆمەڵەی تالاسیمیا داواشی لە لایەنە پەیوەندیدارەكان كرد كە هاوكاری زیاتری توشبوانی تالاسیمیا بكرێت و هەروەها زیاتر كاربكرێت بۆ ئەوەی ئەو چارەسەرە نوێیانەی كە لەووڵاتان هەیە بگاتە هەرێمی كوردستان.

لای خۆیشییەوە سەباح هەورامی بەڕێوەبەری گشتی تەندروسی سلێمانی رایگەیاند: توشبووانی تالاسیمیا ڕۆژانە و هەفتانە پێویستیان بە چارەسەر بۆیە ئێمە لەتەندروستی سلێمانی كارمان كردواە لەروی دەرمانەوە گرفتەكان بۆ چارەسەر بكەین. وتیشی: لەداهاتوودا نەخۆشخانەیەكی تایبەت بۆ توشبوانی تالاسیمیا دەكرێتەوە كە وەك ئاسانكاریەك دەبێت بۆ توشبوان تا زیاتر خزمەت بكرێن. وتیشی: نەحۆشخانەی های كوالێتی كارێكی زۆرباشی كردووە كە لەڕێی ئەم پڕۆژەیەوە خزمەتی توشبوانی تالاسیمیا دەكەن و پێویستیشە زیاتر خزمەتی نەخۆشانی تالاسیمیا بكرێت.

لەهەرێمی كوردستان زیاتر لە 4هەزار توشبووی تالاسیمیا بوونی هەیە، وەك پێویست لەهەرێم چارەسەری ئەونەخۆشیە ناكرێت، بەڵام چەند ساڵێكە چەند چارەسەرێكی نوێ لەووڵاتان دۆزراوەتەوە، لە ئێستاشدا توشبوانی تالاسیمیا داوا دەكەن ئەو چارەسەرە بهێنرێتە هەرێمی كوردستان و داواش لە هاوڵاتیان دەكەن لەڕێی خوێن بەخشینەوە هاوكاری زیاتری توشبوانی تالاسیمیا بكرێت.




نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی