به‌یان ئیبراهیم:توندوتیژی به‌رامبه‌ر ژنان له‌ كوردستان به‌رده‌وامه‌

6 مانگ پێش ئێستا ژمارەی بینین: 468 جار

25ی نۆڤەمبەر رۆژی جیهانی بەرەنگاربوونەوەی توندوتیژی دژی ژنانە، لەوچوارچێوەیەشدا ساڵانە لەكوردستان رێكخراوەكانی ژنان چەندین كار و چالاكی رێكدەخەن بۆ دەربڕینی ناڕەزایی لەدژی ئەو توندو تیژیانەی لە كوردستان رووبەرووی ژنان دەبێتەوە.
ئەمساڵیش لە كوردستان هەڵمەتێكی 16 رۆژە بۆ بەرەنگاربوونەوەی توندوتیژی دژی ژنان راگەیەنرا،
مێژووی ناولێنانی 25ی نۆڤەمبەر بەڕۆژی توندوتیژی دژی ژنان، دەگەڕێتەوە بۆ ئەوەی، لە دۆمینیكان لەساڵی 1937 نزیكەی 15 تا 25 هەزار كەس بەبیانووی ئەوەی پێستیان رەشە لەژێر دەسەڵاتی دیكتاتۆریانەی جەنەراڵ رافائیل تروجیللۆدا دەكوژرێن، لە هەمان كاتدا دەرگا بە رووی سپی پێستەكانی جولەكە راكردووەكاندا دەكرێتەوە و لەو سەرو بەندەشدا و لە25ی نۆڤەمبەردا بەشێوەیەكی نامرۆڤانە و دوور لەهەموو بەهایەكی ئەخلاقی و مرۆڤایەتی، سێ خوشك بە ناوەكانی (مینیرفا ،پاتریا ،ماریا )دەڕفێنرێن و دواتر دەستدرێژی سێكسی دەكرێتە سەریان و دەكوژرێن.
به‌یان ئیبراهیم، لێپسراوی په‌یوه‌ندییه‌كانی ئه‌نجومه‌نی په‌نابه‌رانی كورد له‌ سلێمانی له‌ میانه‌ی به‌شداری كردنی له‌ به‌رنامه‌ی (له‌ ڕۆژئاواوه‌) له‌ ڕادێوی ده‌نگی گه‌لی كوردستان ڕایگه‌یاند، ئاماره‌كان ئه‌وه‌مان پێده‌ڵێت كه‌ توندوتیژییه‌كان دژی ژنان له‌ هه‌رێمی كوردستان به‌رده‌وامه‌و ساڵ له‌ دوای ساڵ ئاماره‌كان زیاتر ده‌بن .
وتیشی، به‌داخه‌وه‌ وه‌ك هه‌موو جیهان له‌ رۆژئاوای كوردستانیش توندوتیژییه‌كان به‌رامبه‌ر ژنان ڕوو له‌ زیادبوونه‌وه‌ به‌تایبه‌ت له‌ناو كه‌مپی ئاواره‌كان هۆكاره‌كه‌شی زیاتر بۆ گرفتی ئابوری ده‌گه‌ڕێته‌وه‌. 

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی