وەزارەتی كارەبا پلان بۆ ساڵی ئاییندە دادەنێت

وەزارەتی كارەبا پلان بۆ ساڵی ئاییندە دادەنێت

كەمال محەمەد ساڵح وەزیری كارەبا سەرپەرشتیی كۆبوونەوەیەكی ڕاوێژكاریی وەزارەتی كارەبای كرد و لە كۆبوونەوەكەدا، چەند بڕیارێك دران لەوانە (وەزارەتی كارەبا پلان و بەرنامەیەكی تۆكمەی بۆ ساڵی 2022 ئامادە كردووە و ژمارەیەك لەو پڕۆژانەی كە جێبەجێ كراون، لە ساڵی 2022 دا دەكرێنەوە)، هەروەها لە ساڵی 2022، دەیان پڕۆژەی كەرتی كارەبا تەواو دەكرێن، لەوانە:
* پڕۆژەی هێڵی سۆران-شەقڵاوە.
* پڕۆژەی هێڵی بازیان- راپەرین.
* پڕۆژەی هێڵی تانجەڕۆ- سەید سادق.
* وێستگەی هایدرۆپاوەری دێرەلۆك.
* بەرهەمهێنانی 75 مێگاوات كارەبا
بە وزەی خۆر.
* تەواو كردنی وێستگەی شاوێس و چەندین وێستگەی مۆبایل.
* تەواو بوونی پڕۆژەی پێوەری زیرەك.
جگە لەمانە ئاستی بەرهەمهێنانی كارەبا لە ساڵی 2022 بەرز دەبێتەوە، بەتایبەتی پاش پلانی كۆمپانیای داناگاز بۆ بەرزكردنەوەی ئاستی بەرهەمهێنانی گازی سروشتی. 

وەزارەتی كارەبا، پاش هەوڵێكی زۆر توانی ڕەزامەندیی یەكێتی ئەورووپا بۆ بەگەڕخستنی  پڕۆژەی هێڵی 400 كەی ڤیی پاڵەپەستۆی بەرزی توركیا- هەرێمی كوردستان - عێراق بەدەست بهێنێت.
وەزیری كارەبا لە كۆبوونەوەكەدا، سوپاسی تیمەكانی كارەبای كرد كە هەر دوای لافاوەكەی هەولێر، بەو پەڕی دڵسۆزی و خێراییەوە بە هانای چارەسەركردنی كێشەی تێكچوون و زیانەكانی وێستگە و تۆڕەكانی كارەبای شوێنەكەوە چوون.