قائیمقامیەتی سلێمانی لیستی ئەو خواردنانەی بڵاوكردەوە كە ڕێگە پێدراوە لە قوتابخانەكاندا بفرۆشرێت.
قائیمقامیەتی سلێمانی بڵاویكردەوە، تەندروستی سلێمانی لیستی ئەو خواردن و خواردنەوانەی رێگەپێدراون لە فرۆشتگای خوێندنگەكان بفرۆشرێت دیاریكردوە و لەكاتی هەبونی سەرپێچی لیژنە هاوبەشەكان خاوەن شوێنەكە روبەڕوی رێكاری یاسایی دەكەنەوە.
بەپێی نوسراوەكەی هۆبەی چاودێری تەندروستی سلێمانی، هەموجۆرەكانی میوە رێگەپێدراوە لەفرۆشتگای خوێندنگاكاندا هەبێت، بەڵام بەجوانی بشۆردرێنەوە، لەگەڵ مێوژ و كوێز و فستق و عەلی بابا (بێ توێكڵ) هەروەها هێلكە و پەتاتە و مریشكی كوڵا و خواردەمەنیە پێچراوەكان وەك بسكیت و كێك.
