رێكخراوێكی نێودەوڵەتی تایبەت بە منداڵان هۆشداریدەدات.
گۆڕانی ئاووهەوا لە جیهاندا راپۆرتی رێكخراوە جیهانییەكانی گۆڕیووە, بەجۆرێك رێكخراوی "كیدز رایتس" “kids right”تایبەت بە مافەكانی منداڵان كە بارەگاكەی لە هۆڵەندایە, رایگەیاندووە: گۆڕانی كەشوهەوا تەواوی جیهاندا هەڕەشە لە ژیانی 1 ملیار منداڵ دەكات, دەشڵێت: بڵاوبوونەوەی ڤایرۆسی كۆرۆنا كاریگەری زۆری هەبووە لەسەر ژیانی منداڵان، بەهۆی ئەو لێكەوتانەی لە كەرتی تەندروستی دروستبوون بەشێكی منداڵان بێبەش بوون لە دەرمان و خواردن، كە زیاتر لە 280 هەزار منداڵی خوار تەمەن 5 ساڵ گیانیان لە دەستداوە.
بەپێی راپۆرتێكی رێكخراوەكەش, منداڵانی ئایسلاندا, سوید, فینلاند و هۆڵەندا لە ریزبەندی یەكەمی گوزەرانی منداڵاندان و هەریەكەش لە ئەفریقای ناوەڕاست , سیرالیۆن , ئەفغانستان و چاد لە كۆتایی ریزبەندییەكەدان.
هاوكات مارك دوێلات، سەرۆكی رێكخراوی تایبەت بە مافەكانی منداڵان "“kids right ئاماژەوە بەوەدەكات و دەڵێت: ئاووهەوا بە خێرایی دەگۆڕێت ئەمەش ترس دڵەڕاوكێی لای ئێمە دروستكردووە چونكە هەڕەشەی جدی لە ئایندە و مافە بنەڕەتییەكانی نەوەكانمان دەكات.
بە پێی ڕاپۆرتەكە 160 ملیۆن منداڵ لە جیهاندا كاردەكەن و لە ماوەی چوار ساڵی داهاتوودا بۆ 8.4 ملیۆن منداڵ بەرزدەبێتەوە.
