ئەمەل جەلال بۆ دەنگی گەلی كوردستان

ئەمەل جەلال بۆ دەنگی گەلی كوردستان

ئەمەل جەلال سەرۆكی دەستەی گەشت و گوزاری هەرێمی كوردستان  لەمیانی بەشداریكردنیدا لە بەرنامەی سەعات 12 دەنگی گەلی كوردستانی راگەیاند. ماستەر پلانی هەرێمی كوردستان چەندین رەهەندی جیاوازی لەخۆگرتووە و لە چەند سێكتەرێكدا دەست نیشانی بەرنامەكان و پلانەكان دەكات .بۆ جێبەجێ كردنی ئەو ماستەر پلانانە هەماهەنگی و كۆبونەوەی تایبەت لەگەل وەزارەتە پەیوەندیدارەكان كراوە.
وتیشی لەسەر 2 ئاست كاردەكەین یەكەمیان زانستی خوێندنی گەشتیاری لەگەل وەزارەتی خوێندنی بالا و وەزارەتی پەروەردە بۆ دانانی پلانی گۆرانكاری لە پرۆگرامەكانی خوێندن و ئامادەكردنی پرۆگرامێك كەشایستەی قۆناغی خوێندن بێت بۆ دەرچوانی گەشتوگوزاری 
ئاستی دووەم كە تایبەتە بەدەرچوانی ئامادەیی و زانكۆ و پەیمانگاكانی گەشتیاری پێویستیان بە راهێنان هەیە لەرووی زمان و لێهاتووی جیاواز بۆ پركرندنەوەی پێویستەیەكانی بازاری گەشتیاری بۆ ئەمەش  لە رێگەی بەرێوەبەرایەتیە گشتیەكانمان وە دەستمان كردووە بە كردنەوەی خول كە لەلایەن مامۆستیان ی زانكۆ و كەسانی پسپۆرەوە خولەكان دەوترێنەوە .
ئاماژەی بەوەشدا لە قۆناغی یەكەم كە سالی 2021 دەستی پێكردووە كراوە بەمەرج لەسەر هەموو شوێنە گەشتیاریەكان وەك هۆتێل و ریستۆرانت و پرۆژەگەشتیاریەكان دەبێت لە سەدا 30ی كارمەندەكانیان دەرچووی زانكۆ و پەیمانگا گەشتیاریەكان بێت لە پلانیشماندایە لەگەل حكومەتی هەرێم ئەو رێژەیە بۆ لەسەدا 70 بەرز بكەینەوە .

سەبارەت بە دامەزراندن لە كەرتی حكومی سەرۆكی دەستەی گەشت و گوزاری حكومەتی هەرێمی كوردستان  رایگەیاند حكومەت لە ئێستادا لەبەردەم قەیرانێكی گەورەی میلاكات دایە و فەرمانبەرێكی زۆری هەیە بۆیە داوا لە گەنجان دەكەم زیاتر لە كەرتی تایبەتدا كاربكەن .وە حكومەتی هەرێم بەرنامەی ئەوەی هەیە لە داهاتوودا ئەو كارمەندانەی لەكەرتی تایبەت كار دەكەن  هەمان ئەو مافانەیان پێبدرێت كە دەدرێت بە فەرمانبەری حكومی .
ئامادەكردنی            مرواری سامان