ئیبراهیم به‌ره‌كات:یه‌كڕیزی هێزه‌ كوردییه‌كان له‌ ڕۆژئاوای كوردستان گرنگه‌

4 مانگ پێش ئێستا ژمارەی بینین: 156 جار

ماوەیەکی زۆرە بێوەستان هێرش لەبەرانبەر هەرێمەکانی سەر بە عەین عیسای رۆژئاوای کوردستان له‌لایه‌ن توركیاوه‌ ئەنجامدەدرێت، بە ئەنقەست خەڵکی مەدەنی دەکرێنە ئامانج. لە ئەنجامی هێرشه‌كانی توركیادا  خەڵکی مەدەنی شەهید و بریندار دەبن.
لەگەڵ ئەوەی رێککەوتن لەنێوان رووسیا و تورکیا کراوە، بەڵام دەوڵەتی تورکیا ٢ کیلۆمەتر لە عەین عیسا نزیک بووەتەوە و بارەگای سەربازی و ئامێری تەرمالی جێگیر کردووە.
ئیبراهیم به‌ره‌كات، ڕۆژنامه‌نوس و چاودێری سیاسی له‌ میانه‌ی به‌شداری كردنی له‌ به‌رنامه‌ی له‌ (ڕۆژئاواوه)‌ له‌ ڕادێوی ده‌نگی گه‌لی كوردستان ڕایگه‌یاند، پێویسته‌ سه‌ره‌تا هێزو لایه‌نه‌ سیاسیه‌كانی ڕۆژئاوای كوردستان یه‌كڕیزو یه‌كهه‌ڵویست بن به‌رامبه‌ر داگیركارییه‌كانی توركیا ، چونكه‌ توركیا به‌پشتیوانی هه‌ندێك وڵاتی نێوده‌وڵه‌تی له‌ هێرو داگیركارییه‌كانی بۆ سه‌ر ڕۆژئاوای كوردستان به‌رده‌وامه‌.
وتیشی، له‌ ئێستادا كورد له‌ ڕۆژئاوای كوردستان ئومێدێكی زۆری له‌سه‌ر ئیداره‌ی نوێی ئه‌مه‌ریكا به‌سه‌رۆكایه‌تی جۆبایدن هه‌ڵچنیوه چونكه‌ سیاسه‌تی ده‌ره‌وه‌ی جۆبایدن جیاوازی له‌ ترامپ كه‌ له‌ماوه‌ی ڕابردوو توركیا به‌ پشتیوانی ئه‌مه‌ریكا چه‌ندجارێك هێرشی كرده‌ سه‌ر ڕۆژئاوای كوردستان .

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی