حسێن عەبدوڵا: تیمەکانی بەرگری و شارستانی ڕاپەڕین ئامادەن بۆ هەر ڕوداوێکی سروشتی و نەخوازراو

2 مانگ پێش ئێستا ژمارەی بینین: 158 جار

ڕادیۆی ده‌نگی گه‌لی كوردستان وه‌ك پیشه‌ی هه‌میشه‌یی و به‌ ڕه‌چاوكردنی ئه‌و به‌رپرسارێتیه‌ی سه‌رشانی، ڕۆژانه‌ و له‌ به‌رنامه‌كانی (به‌یانی باش وڵاته‌كه‌م و ئێواره‌ باش وڵاته‌كه‌م)، هه‌ر جاره‌ و كار و چالاكی قه‌زایه‌ك یان ناحێیه‌ك یان به‌ڕێوبه‌رایه‌تیه‌كی هه‌رێمی كوردستان و ناوچه‌ دابڕاوه‌كان بڵاو ده‌كاته‌وه‌ و له‌ به‌رنامه‌ی ئێواره‌ باش وڵاته‌كه‌م له‌ ڕۆژی 24-11-2020, كار و چالاكیەكانی بەڕێوبەرایەتی بەرگری و شارستانی ئیدارەی ڕاپەڕینی  به‌سه‌ركردوه‌ و بە میوانداری مقەدەم حسێن عەبدوڵا بڵاوكردەوە.
مقەدەم حسێن عەبدوڵا وتەبێژی بەرێوبەرایەتی بەرگی و شارستانی ئیدارەی ڕاپەڕین لەمیانەی بەشداریکردنی لەبەرنامەی ئێوارەباش وڵاتەکەم لە ڕادیۆی دەنگی گەلی کوردستان ڕایگەیاند: لە ئیدارەی ڕاپەڕین بەڕێوبەرایەتی بەرگری و شارستانی لە ٨ بنکە و ٢ مەفرەزە پێکدێت، کە ئەو تیمانە هەڵدەستن بە ئەنجامدانی کارەکانیان بۆ پاراستنی سەروماڵی هاوڵاتیان لە ڕووداوەکانی ئاگرکەوتنەوە و لافاو و ڕووداوە سروشتیەکان.
هەر لەدرێژەی گفتوگۆکانیدا لە ڕادیۆی دەنگی گەلی کوردستان مقەدەم حسێن عەبدوڵا ئاماژەی بۆ ئەوەکرد: تیمەکانی بەرگری و شارستانی لەڕێگەی سیمینار و وۆرک شۆپەوە ڕێنامایی دەداتە هاوڵاتیان بۆ هەر ئەگەرێکی نەخوازراو و کارەساتە سروشتیەکان.
وتیشی: لەگەڵ هاتنی ڤایرۆسی کۆرۆنا، تیمەکانی بەرگری و شارستانی هەڵساون بە دەرمانڕێژکردنی سەرجەم شوێنە گشتییەکان بۆ ئەوەی بتوانرێت ڕێگری بکرێت لە زیاتر بڵاوبونەوەی ئەو ڤایرۆسە.

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی