د. ئاسۆ حه‌وێزی: تاكو ڤاكسینی كۆرۆنا دێته‌ هه‌رێم، پێویسته‌ هاوڵاتیان خۆیان بپارێزن

2 مانگ پێش ئێستا ژمارەی بینین: 75 جار

وته‌بێژی وه‌زاره‌تی ته‌ندروستی حكومه‌تی هه‌رێمی كوردستان، ڕایده‌گه‌یه‌نێت: به‌رهه‌م هێنانی چه‌ند ڤاكسینێك له‌لایه‌ن چه‌ند وڵاتێكه‌وه‌ مایه‌ی دڵخۆشیه‌ .
دكتۆر ئاسۆ حه‌وێزی، وته‌بێژی وه‌زاره‌تی ته‌ندروستی حكومه‌تی هه‌رێمی كوردستان، له‌میانی به‌شداریكردنی له‌به‌رنامه‌ی به‌یانیت باش وڵاته‌كه‌م، به‌ڕادیۆیده‌نگی گه‌لی كوردستانی ڕاگه‌یاند: پڕۆسه‌ی دۆزینه‌وه‌ی ڤاكسین، پڕۆسه‌یه‌كی زۆر موعه‌قه‌ده‌ و ئاسان نیه‌، به‌ڵام دۆزینه‌وه‌ی ئه‌و ڤاكسینانه‌ له‌لایه‌ن ئه‌و چه‌ند وڵاته‌وه‌ مایه‌ی خۆشحاڵیه‌و هه‌موو جیهان هیوا و ئومێدیان به‌و ڤاكسینانه‌ هه‌ڵچنیه‌وه‌ .
له‌درێژه‌ی به‌رنامه‌كه‌شدا دكتۆر ئاسۆ حه‌وێزی ئاماژه‌ی به‌وه‌كرد: حكومه‌تی هه‌رێمی كوردستان و وه‌زاره‌تی ته‌ندروستی زۆر به‌وری چاودێری به‌رهه‌مهێنان و به‌ده‌ستهێنانی ڤاكسینی كۆرۆنا ده‌كات، وتیشی: حكومه‌تی عێراق كه‌ گرێبه‌ست ده‌كات بۆبه‌ده‌ست هێنانی ڤاكسین به‌ئه‌كیدی پشكی هه‌رێمی كوردستان له‌م ڤاكسینه‌ هه‌یه‌ .
جه‌ختیشیكرده‌وه‌، تاكو ڤاكسینی كۆرۆنا دێته‌ هه‌رێمی كوردستان پێویسته‌ هاوڵاتیان خۆیان بپارێزن و ڕێنماییه‌ ته‌ندروستیه‌كان جێبه‌جێبكه‌ن .  

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی