ئەلەند مەحوی: لەسەدا ١٧ی کارەکانی شەقامی ١٠٠ مەتری سلێمانی تەواو بووە

2 مانگ پێش ئێستا ژمارەی بینین: 92 جار

کارکردن لە شەقامی ١٠٠ مەتری لە سلێمانی لەلایەن کۆمپانیای قەیوانەوە بەردەوامە و بەپێی زانیارییەکانیش تاوەکو ئێستا زیاتر لە سەدا ١٧ی کارەکانی ئەو پڕۆژەیە تەواو بووە،
ئەلەند مەحوی بەڕێوبەری ڕاگەیاندن و پەیوەندییەکانی گروپی کۆمپانیاکانی قەیوان لەمیانەی بەشداریکردنی لە بەرنامەی ئێوارەباش وڵاتەکەم لە ڕادیۆی دەنگی گەلی کوردستان ڕایگەیاند: سەڕەرای هاتنی وەرزی پایز و باران بارین، کارکردن لە پڕۆژەی شەقامی ١٠٠ مەتری بەردەوامە و کارەکان بەشێوەیەکی زۆرباش بەڕێوەدەچن. و تاوەکو ئێستا لەسەدا ١٧ی کارەکانی ئەو پڕۆژەیە تەواو بووە.
هەر لەدرێژەی گفتوگۆکانیدا لە ڕادیۆی دەنگی گەلی کوردستان ئەلەند مەحوی ئاماژەی بۆ ئەوەکرد: بەپێی ئەو کارانەی ئەنجامانداوە، پێشبینی دەکەین پڕۆژەکە زۆر لەپێش وادەی دەستنیشانکردنی تەواوبوونی پڕۆژەکە تەواو بکرێت، چونکە لە ماوەی کەمتر لە ٣ مانگ لەسەدا ١٧ی کارەکانی تەواو بووە.
وتیشی: حکومەتی هەرێمی کوردستان لیژنەیەکی ڕاسپاردووە بۆ قەرەبووکردنەوەی ئەو هاوڵاتیانەی کە زەوییەکانیان بەر شەقامی ١٠٠ مەتری دەکەوێت و لەلایەن ئەو لیژنەیەوە قەرەبوو دەکرێنەوە.

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی