عەبدولڕەحمان نەجار: یەكدەنگی و یەكڕیزی ماڵی كورد لە ڕۆژئاوای كوردستان زۆر گرنگە

4 مانگ پێش ئێستا ژمارەی بینین: 122 جار

به‌رنامه‌یه‌كی نوێی له‌ڕۆژئاواوه‌ له‌ ڕادیۆی ده‌نگی گه‌لی كوردستان ته‌وه‌ری سه‌ره‌كی به‌رنامه‌كه‌ بریتی بوو له‌ (ئەمەریكا سەرپەرشتیاری دامەزراندنی مەرجەعەتی كوردی دەكات) به‌ میوانداری (عەبدولڕەحمان نەجار پارێزەر و چاودێری سیاسی) پێشكه‌ش كرا.
عەبدولڕەحمان نەجار پارێزەر و چاودێری سیاسی لە میانی بەشداریكردنی لە بەرنامەی ( لە ڕۆژئاواوە) لە ڕادیۆی دەنگی گەلی كوردستان ڕایگەیاند، مەرجەعیەتی كوردی ئایدۆلۆژیایەكی ئیسلامیە و دەبێت لە مەجلیسی كوردی یان دەستەی كوردی ڕۆڵی هەبێت.
سەبارەت بە گرنگی یەك هەڵوێستی و یەك دەنگی لایەنە سیاسیە كوردیەكان لە رۆژئاوای كوردستان، عەبدولڕەحمان نەجار ئاشكرایكرد، پێویستە سەرجەم لایەنە سیاسیەكانی ڕۆژئاوای كوردستان یەك دەنگ و یەك هەڵوێست بن لە بەرامبەر مافەكانیان و لە بەرامبەر ئەو داگیركاریانەی كە بەرامبەریان دەكرێت.
وتیشی، پێویستە نەك هەر لایەنە سیاسیەكانی ڕۆژئاوا، بەڵكو دەبێت لە هەموو دەستەیەك و لە هەموو بنكەیەكی كوردی یەكڕیزی و یەكدەنگی بوونی هەبێت، لەبەر  ئەوەی سەربەخۆی و ئازادی زیاتر ببێت لە رۆژئاوای كوردستان.
عەبدولڕەحمان نەجار ڕوونیشیكردووە، دەبێت ئەو ولاتانەی كە ئامانجی سەرەكیان پاراستنی مافەكانی مرۆڤە، سزای ئەو وڵاتانەی بدەن و بێ دەنگ و بێ هەڵوێست نەبن بەرامبەر ئەو وڵاتانەی كە ئامانجیان لەشكركێشی و داگیركارییە. 

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی