هۆشەنگ دەروێش: یەكدەنگی لایەنە سیاسیەكان لەڕۆژئاوای كوردستان گرنگە

4 مانگ پێش ئێستا ژمارەی بینین: 140 جار

لایه‌نه‌كانی رۆژئاوای كوردستان له‌سه‌ر مه‌رجه‌عی  كوردی، كه‌ له‌ 40 كه‌س پێكهاتووه‌ و شه‌ش خاڵی دیكه‌ رێككه‌وتن.
سه‌ما به‌كداش، گوته‌بێژی پارتی یه‌كێتی دیموكراتی و ئه‌ندامی كۆمیته‌ی دانوستانه‌كان رایگه‌یاند، پارتی یه‌كێتی دیموكراتی و ئه‌نه‌كه‌سه‌ له‌سه‌ر ناوی مه‌رجه‌عی سیاسی رێككه‌وتوون و ناوی ده‌كه‌ن به‌ مه‌رجه‌عی باڵای كورد.
راشیگه‌یاند، ئه‌وان له‌سه‌ر شه‌ش خاڵ رێككه‌وتوون، كه‌ په‌یوه‌سته‌ به‌ ئه‌رك و ده‌سه‌ڵاتی ئه‌و مه‌رجعه‌ باڵایه‌ و گه‌ڕانه‌وه‌ی ئاواره‌كانی سه‌رێكانی، عه‌فرین و گرێ سپی و ھه‌روه‌ها له‌سه‌ر نوێنه‌رایه‌تییه‌كانی كورد له‌رووی نێوده‌وڵه‌تییه‌وه‌ و چۆنیه‌تی پاراستنی ده‌ستكه‌وته‌كان و ده‌ركردنی بڕیاره‌كان و دانانی په‌یڕه‌وێكی ناوخۆیی رێككه‌وتوون.
لەبارەی دۆخی ڕۆژئاوای كوردستان و یەكڕیزی لایەنەكان، هۆشەنگ دەروێش، نوێنەری ئەنجومەنی سوریای دیموكرات لەشاری سلێمانی، لەمیانی بەشداریكردنی لەبەرنامەی بەیانیت باش وڵاتەكەم، بەڕادیۆی دەنگی گەلی كوردستانی ڕاگەیاند: یەكدەنگی و یەكڕیزی كورد لەڕۆژئاوای كوردستان زۆر گرنگە لەبەر ئەوەی هەر كێشەیەك لە سوریا و ڕۆژئاوای كوردستان هەبێت گەر لایەنە كوردیەكان یەكدەنگ بن دەتوانن دەستكەوتی زیاتر بەدەست بێنن و بەبەهێزتر بچنە دانوستانەكان بۆ چارەسەری كیشەی سوریا .
ئاماژەی بەوەشكرد: لەئێستادا لایەنە سیاسیە كوردیەكان كاردەكەن بۆ كۆكردنەوەی سەرجەم هێزە كوردیەكانی ڕۆژئاوای كوردستان بۆ ئەوەی لەچوارچێوەی ڕێككەوتنێكدا كۆبكرێنەوە بۆ ئەوەی كە كورد لە ڕۆژئاوای كوردستان زیاتر بەهێزبكەن وە داواكاریەكانیان باشتر و بەهێزتر بكەن، لەبەر ئەوەی وەك دەزانرێت لایەنە سیاسیەكان پیێكەوەو بە یەكڕیزی زیاتر دەتوانن داواكاری و مافەكانیان بەدەستبێنن .

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی