سه‌رتیپ جه‌وهه‌ر : ئه‌مه‌ریكا ده‌بێت زه‌مانی ئه‌وه‌ بكات هیچ وڵاتێك كێشه‌ بۆ ڕۆژئاوای كوردستان دروست نه‌كات

2 مانگ پێش ئێستا ژمارەی بینین: 329 جار

ئیدارەی دۆناڵد ترامپی سەرۆكی ئەمەریكا, لەماوەی چەند رۆژی رابردوودا، رەزامەندی پیشاندا لەسەر یەكەم گرێبەستی نێوان ئیدارەی خۆسەر لەرۆژئاوای كوردستان و كۆمپانیایەكی نەوتی ئەمەریكی، بەپێی ئەوە كەرتی نەوتی ناوچەكانی باكوور و رۆژهەڵاتی سوریا، كە لەژێر كۆنترۆڵی هێزەكانی سوریای دیموكراتە نۆژەن دەكرێتەوە و ژێرخانی ئابووری ناوچەكەش دەبوژێنرێتەوە.
سەرتیب جەوهەر نوسەر، له‌ میانه‌ی به‌شدایكردنی له‌ به‌رنامه‌ی ڕه‌هه‌ند له‌ ڕادیۆی ده‌نگی گه‌لی كوردستان، سه‌باره‌ت به‌ ڕێكه‌وتنی نه‌وتی له‌ نێوان ئه‌مه‌ریكا و ڕۆژئاوای كوردستان، ڕایگەيا‌ند : ڕێكه‌وتنه‌ نه‌وتیه‌كه‌ی نێوان ئه‌مه‌ریكا و ڕۆژئاوای كوردستان ته‌نها ڕێكه‌تنێكی بازرگانی نیه‌، له‌ نێوان ئه‌و دوو وڵاته‌دا، به‌ڵكو ڕێكه‌وتنه‌كه‌ سیاسیشه‌ و به‌شێكی زۆری چاودێران و سیاسه‌تمه‌دارانی و دیبلۆماتكارانی ئه‌مه‌ریكا ده‌ڵێت ئه‌م ڕێكه‌وتنه‌ نێوان ئه‌مه‌ریكا و ڕۆژئاوا جۆرێك له‌ دان پێدانانه‌ به‌ ئیداره‌ی ڕۆژئاوای كوردستان له‌ لایه‌ن تڕامپه‌وه‌ .
له‌ به‌شێكی تری چاوپێكه‌وتنه‌كه‌دا، سه‌رتیپ جه‌وهه‌ر، ئاماژه‌ی بۆ ئه‌وه‌ش كرد، ئه‌مه‌ریكا ده‌بێت زه‌مانی ئه‌وه‌ بكات له‌ دوای ڕێكه‌وتنه‌ نه‌وتیه‌كه‌ له‌گه‌ڵ ڕۆژئاوای كوردستان، هیچ وڵاتێكی ناوچه‌كه‌ نه‌بێته‌ ڕێگر و كێشه‌ بۆ ڕۆژئاوای كوردستان دروست نه‌كه‌ن چونكه‌ به‌شێكی زۆری وڵاتانی ناوچه‌كه‌ دژی ڕێكه‌وتنه‌كه‌ن . 
دوای ڕێكه‌وتنی هه‌ر یه‌كه‌ له‌وڵاتانی سوریا و توركیا و ئێران و ڕوسیا دژایه‌تی خۆیان بۆ ڕێكه‌وتنه‌كه‌ ده‌ربڕی و له‌ سێ به‌یاننامه‌ی جیادا، سوریا و ئێران و ڕوسیا ڕایانگه‌یاند، ئه‌مه‌ریكا هه‌وڵی دزینی نه‌وتی سوریا ده‌دات .

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی