لاهور شێخ جەنگی تێچووی پرۆژەیەكی ئاوی لە رانییە گرتە ئەستۆ كە زیاتر لە 200 ماڵ لێی سودمەند دەبن

31/07/2020

لاهور شێخ جەنگی هاوسەرۆكی یەكێتی نیشتمانی كوردستان خەرجی تێچووی راكێشانی ئاوی خواردنەوەی دوو سەد و پەنجا خێزانی شاری رانیە لەئەستۆ گرت.
 دوای ئەوەی لە چەند مانگی رابردوودا نەبوونی ئاوی پێویست یەكێ لەگرفتە سەرەكیەكانی دوو سەد و پەنجا خێزانی داینشتووی شاری رانیە بوو، كە بە هۆی قەیرانی داراییەوە نەدەتوانرا پرۆژەكە جێبەجێبكرێت، وەك هەوڵێك بۆ خزمەتكردن بەسنووری راپەڕین لاهور شێخ جەنگی تەواوی تێچووی پرۆژەكەی لەئەستۆگرت.
 لەو چوارچێوەیەشدا بەرێوەبەرایەتی ئاوی راپەرین لەراگەیەندراوێكدا سوپاسی لاهور شێخ جەنگی هاوسەرۆكی یەكێتی نیشتمانی كوردستان كرد كە لە قۆناغێكی پێویست و لەدۆخێكی سەختی ئابووری هاوڵاتیاندا ئەركی جێبەجێكردنی ئەم پرۆژە گرنگەی گرتۆتەئەستۆ و، لە ئێستادا پرۆژەكە بەبێ گرفت لەخزمەتی هاوڵاتیاندایە و ئەو دوو سەد و پەنجا خێزانەی بێ بەش بوون لەئاوی خواردنەوە ئێستا بەبێ گرفت رۆژانە ئاوی خواردنەوەیان پێدەگات.
بەهۆی قەیرانی دارایی و جێبەجێنەكردنی پرۆژەكە لە چەند مانگی رابردوو لەرێگەی لیژنەیەكەوە بری چل هەزار دینار لە هەر خێزانێك وەرگیرابوو، بەڵام دواجار لەرێگەی لاهور شێخ جەنگیەوە سەرجەمی ئەو برە پارەیەش گەرێندرایەوە بۆ خێزانەكان.

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی