نەریمان فازڵ: داواكارین لە هاوڵاتیان و سەردانیكەران پابەندی ڕێنمایە خۆپارێزیەكان بن

30/07/2020

وتەبێژی حکومەتی هەرێمی کوردستان راگەیەندراوێکی لەبارەی رۆژە پشووەکانی جەژنی قوربان بڵاوکردەوە.
وەکو لە راگەیەندراوەکەدا هاتووە: پشووی جەژنی قوربان لە یەکەم رۆژی جەژنەوە لە هەیینی 31-7-2020 دەستپێدەکات تاوەکو 4-8-2020، واتا رۆژی چوارشەممە دەوامی فەرمی دەستپێدەکاتەوە و پشوو نییە.
نەریمان فازڵ،بەڕێوەبەری ڕاگەیاندنی گەشتوگوزاری هەولێر، لەمیانی بەشداریكردنی لەبەرنامەی بەیانیت باش وڵاتەكەم، بەڕادیۆی دەنگی گەلی كوردستانی ڕاگەیاند: بەهۆی بڵاوبوونەوەی ڤایرۆسی كۆرۆنا ئەمساڵ هیچ ئامادەكاریەك نەكراوە وە هاتنی گەشتیاران بەڕێژەیەكی بەرچاو كەمی كردووە بۆ ناوچەگەشتیاریەكانی هەرێمی كوردستان و شاری هەولێر.
ئاماژەی بەوەش كرد، ئەو ئامادەكاریانەی كراون بۆ پێشوازی لە سەردانیكەران زیاتر لە هاوینە هەوارەكانی سۆران و چۆمان و ڕەواندزە كە ڕەنگە هاوڵاتیانی سنورەكە ڕووبكەنە ئەو هاوینەهەوارانە .
وتیشی: داواكارین لە هاوڵاتیان و سەردانیكەران كە ڕوودەكەنە ناوچە گەشتیاریەكان پابەندی ڕێنمایە خۆپارێزیەكان بن .

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی