پسپۆڕانی چین ڤایرۆسی كۆرۆنا سەرەتا لەئەوروپا دەركەوتووە

3 مانگ پێش ئێستا ژمارەی بینین: 95 جار

پسپۆڕانی چین رایدەگەیەنن سەرەتا ڤایرۆسی كۆرۆنا لە ئەوروپاوە دەركەوتووە نەوەك وڵاتەكەیان.
لەكاتێكدا بڕیارە هەفتەی داهاتوو رێكخراوی تەندروستی جیهانی وەفدێك ڕەوانەی چین بكات بەمەبەستی لێكۆڵینەوە و بەدواداچوونی سەرچاوەی ڤایرۆسی كۆرۆنا كەتائێستا تووشی زیاتر لە 11 ملیۆن كەس بووە لەجیهاندا ، كاربەدەستانی چین ئەوەیان خستەڕوو سەرەتا ڤایرۆسی كۆرۆنا لەئیسپانیاوە دەركەوتووە نەوەك شاری وۆهان هەروەك دەزانرێت.
لەوبارەیەوە تسنگ قوانگ گەورە راوێژكاری تەندروستی حكومی چین بەرۆژنامەی گلۆباڵ تایمزی راگەیاند: پێویستە لێكۆڵینەوە بكرێت لەوڵاتانی دیكە وەك سەرچاوەی ئەسڵی ڤایرۆسی كۆرۆنا.
پسپۆڕانی تەندروستی چین ئاماژەیان بەوەكرد سەرەتا ڤایرۆسی كۆرۆنا لەئییسپانیاوە سەریهەڵداوە و ئەو ڤایرۆسە كوشندەیە دۆزراوەتەوە لەپشكنینی نمونەیەكی ئاوەڕۆی ئەو وڵاتە لەمانگی ئازاری رابردوودا.

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی