دواین ئاماری توشبوانی کۆرۆنا لە جیهان

25/06/2020

بەگوێرەی ئامارە جیهانییەکان ژمارەی توشبوانی کۆرۆنا لەم هەفتەیەدا لە ژمارەیەک وڵاتی رۆژهەڵاتی ناوەڕاست زیادیکردوە، هەروەها تێکڕای توشبوانی پەتاکە لە جیهاندا گەیشتە زیاتر لە نۆ ملیۆن و 532 هەزار کەس.

بەگوێرەی ئامارە جیهانییەکان، تێکڕای توشبوانی کۆرۆنا تا کاتژمێر 8:00 بەرەبەیانی ئەمڕۆ پێنجشەممە گەیشتوەتە نۆ ملیۆن و 532 هەزار و 128 کەس، لەو ژمارەیەش پێنج ملیۆن و 179 هەزار و 11 توشبو چاکبونەتەوە و  485 هەزار و 122 توشبوش گیانیانلەدەستداوە.
لەسەر ئاستی وڵاتانی جیهان، ویلایەتە یەكگرتوەكانی ئەمریكا لە پلەی یەكەم دێت، كە تیایدا  دو ملیۆن و 462 هەزار و 554 توشی پەتاکە بون

لەسەر ئاستی وڵاتانی جیهان، ویلایەتە یەكگرتوەكانی ئەمریكا لە پلەی یەكەم دێت، كە تیایدا  دو ملیۆن و 462 هەزار و 554 توشی پەتاکە بون، لەو ژمارەیەش ملیۆنێک و  40 هەزار و 605 کەس چاکبونەتەوە، هەروەها ژمارەی ئەوانەی گیانیان لەدەستداوە بۆ 124 هەزار و 281 کەس بەرزبوەتەوە.

لەسەر ئاستی وڵاتانی ئەوروپاش بریتانیا بە پلەی یەکەم دێت لە روی بەرزی ژمارەی توشبوان و تا ئێستا 306 هەزار و 862 توشبو لە وڵاتەدا تۆمارکراون، لەسەر ئاستی وڵاتانی رۆژهەڵاتی ناوەڕاستیش ئێران بە تۆمارکردنی 212 هەزار و 501 توشبوی کۆرۆنا زۆرترین کاریگەریی ئەو پەتایەی تیادا دەرکەوتوە.

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی