حسه‌ین له‌تیف : زۆربەی ئەفسانەكانی یۆنانی كۆن ئەبینین مناڵ باوكی خۆی كوشتوە

25/06/2020

به‌رنامه‌ی سیڤی به‌رنامه‌یه‌كی هه‌فتانه‌ی ڕادیوی ده‌نگی گه‌لی كوردستانه‌وه‌ هه‌موو رۆژانی شه‌ممه‌ كاتژمیر 2 و 15 خوله‌ك و چوارشه‌مه‌ كاتژمێر 11 و 15 خوله‌ك له‌ ڕادێوی ده‌نگی گه‌لی كوردستان به‌ میواندای كه‌سانی هونه‌ری و سیاسی و ئه‌ده‌بی له‌ لایه‌ن ڕۆژنامه‌نوس نه‌ژاد نه‌جیب ئاماده‌ و پێشكه‌ش ده‌كرێت .
لەسەر بەڕێوەچوونی بەرنامەكەی نەژاد نەجیب پێشكەشكاری بەرنامەی سیڤی لە ڕادیۆی دەنگی گەلی كوردستان ڕایگەیاند: بەرنامەی سیڤی بەرنامەیەكی سیاسی و ئەدەبی و هونه‌ری ڕادیۆی دەنگی گەلی كوردستانە و لە هەفتەیەكدا دووجار پێشكەش دەكرێت و زیاتر تیشك دەخاتە سەر ئەو كەسایەتیانەی كە ئەزمونێكی دوورو درێژیان هەیە لە بواری ئەدەبی و هونەریدا.
بەرنامەیەكی نوێی سیڤی ڕادیۆی دەنگی گەلی كوردستان بە میوانداری حسه‌ین له‌تیف شاعیر پێشكەشكرا ، لە بەرنامەكەدا حسه‌ین له‌تیف تیشیكی خستەسەر بەشێك لە وێستگەكانی ژیانی خۆی و هەروەها بەرهەمە ئەدەبیەكان و لێكۆلینەوەكانی . 
باسی لەمناڵی و بارودۆخی ژیانی خۆی كرد و تیشكی خستەسەر ئەوەی چۆن بەبارو دۆخێكی هەژاریدا تێ‌ پەڕیوە، بەڵام لەگەڵ ئەوەی خانەوادەكەی هەژاربوون بەڵام باوكی لەژیانی حسێن لەتیفی شاعیردا گرنگی زۆری هەبووە بۆ ئاشنابوون وچونە ناو دنیای ئەدەب،
حسێن لەتیفی شاعیر دەڵێت ، باوكم یەكەم كەس بوو كە لە تەمەنێكی زۆر بچوكدا شعیری پێ‌ لەبەر كردم ،
دواتر حسێن لەتیف  شاعیرونووسەر باس لە یەكەم بەركەوتنی دەكات لەگەڵ دنیای كتێب و خوێندنەوەو دەلچێت ، یەكەم كتێب كە خوێندمەوە كتێبی ڕۆستەم و زۆراب بوو، كەئەوكات تەمەنم 9 ساڵ بوو ،
حسێن لەتیف باس لەگرنگی ئەم كتێبە دەكات دەڵێت كاتێك خەریكی نووسینی كتێبی (ڕوانینێك لە تراژیدیا) بووم، گەڕامەوە بۆ خوێندنەوەی ئەم كتێبە بەڵام بینیم بابەتێكی زۆر گرنگ و گەورەی تیایە ئەویش، زۆربەی شانۆ و چیرۆك و ئەفسانەكانی یۆنانی كۆن ئەبینین هەمیشە مناڵ یاخود فەرزەندە باوكی خۆی كوشتوە بەڵام ڕۆستەم و زۆراب پێچەوانەی ئەمەیە باوك كوڕی خۆی دەكوژێت.
دواتر دێتە سەرباسی شیعر و دەڵێت پێناسە نەكردنی شیعر خۆ دزینەوەیە لە ئەرك و بەرپرسیاری بەرامبەر شیعر ، ناڵێن ئەبێت پێناسەیەكی كۆنكرێتی شیعر بكرێت بەڵام خۆ لە ئەفلاتۆنەوە تا ئەرستۆ و دواتریش هۆراس و هایدگەر قسەی جدیان هەبووە دەربارەی شیعر
شاعیرانی ئێمە ئەوەندەی شیعر دەنووسن ئەوەندە قسە دەربارەی شیعر ناكەن ئەمەش خودی  گرفتی كایەی ڕۆشنبیری ئێمەیە
دواتر شاعیر باس لەوە ئەكات مرۆڤ چۆن ناتوانێ‌ بێ‌ ئابوری و زانست بژی ئاواش ناتوانێ‌ بێ‌ ئەدەبیات و شیعر بژی

نەخشە دانان و پەرەپێدان لەلایەن تێراتارگێت بۆ زیرەکی دیجیتاڵی و داهێنانەکانی ئای تی